پرائیویٹ اسکولز مالکان کاروبار نہیں بلکہ معاشرے سے جہالت کے اندھیروں کے خاتمے کیلئے اجتماعی شعور اْجاگر کرنے کے طرز پر ادارے چلانے ہونگے ،گورنر بلوچستان
کوئٹہ (ویب ڈیسک )گورنر بلوچستان امان اللہ خان یاسین زئی نے کہا ہے کہ پرائیویٹ سکولوں اور کالجوں کے مالکان کو اپنے نجی تعلیمی ادارے محض کاروبار کی نیت سے نہیں بلکہ معاشرے سے جہالت و گمراہی کے اندھیروں کے خاتمے کیلئے اجتماعی شعور اْجاگر کرنے کے طرز پر چلانا ہوگا. اس ضمن میں تعلیم کو فروغ دینا، فیسوں میں اضافہ کرنے سے قبل والدین کو اعتماد میں لینا، صحتمند تعلیمی ماحول کو یقینی بنانا،
اپنے اساتذہ کو مناسب اور بروقت معاوضہ دینا نجی تعلیمی اداروں کے مالکان کی اولین ذمہ داریوں میں شامل ہیں. ،
وفد سے بات چیت کرتے ہوئے گورنر بلوچستان نے کہا کہ جان لیوا کروناوائرس پیدا ہونے والی صورتحال کے تعلیمی اداروں پر بھی منفی اثرات مرتب ہوئے ہیں. بچوں کے تعلیمی نقصان کے ساتھ ساتھ نجی تعلیمی اداروں کے غریب اساتذہ اکرام اور مالکان بھی کئی مشکلات سے دوچار ہیں۔
گورنر یاسین زئی نے کہا کہ ان سب کا نہ صرف ہمیں خوب احساس ہے بلکہ موجودہ حکومت صوبے بھر میں بہت جلد تمام تعلیمی سلسلوں کو بھرپور طریقے سے بحال کرانے کیلئے پرعزم بھی ہے۔گورنر یاسین زئی نے کہا کہ تعلیم کا اصل مقصد کردار سازی اور شعور کو پختہ کرنا ہے۔ اس کے ساتھ ساتھ تعلیم قربانی، بردباری اور بشردوستی اسکھاتی ہے