گوادرکو یکم مارچ سے ایران سے 100 میگاواٹ بجلی کی فراہمی شروع ہو جائے گی

0 24

گوادرکو یکم مارچ سے ایران سے 100 میگاواٹ بجلی کی فراہمی شروع ہو جائے گی

اسلام آباد (ویب ڈیسک) ڈائریکٹر جنرل گوادر ڈویلپمنٹ اتھارٹی (جی ڈی ای) مجیب الرحمان قمبرانی نے کہا ہے کہ یکم مارچ سے گوادر کو 100 میگاواٹ اضافی بجلی ایران سے ملے گی۔ گوادر پرو کے مطابق

 

اپنے ایک بیان میں انہوںنے کہا کہ انشاءاللہ گوادر کو 24/7 بجلی کی فراہمی ہوگی، اس سے گوادر میں صنعت، سیاحت اور رئیل اسٹیٹ کے کاروبار کو فروغ ملے گا۔گوادر کی بجلی کی ضروریات کو پورا

 

کرنے کے لیے پاکستان اور ایران کی حکومتوں نے جون 2022 میں 100 میگا واٹ اضافی بجلی کی فراہمی کے معاہدے پر دستخط کیے تھے۔ گوادر پرو کے مطابق وزیر اعظم شہباز شریف نے گزشتہ سال اپنے دورہ گوادر کے دوران متعلقہ حکام کو ہدایت کی تھی کہ اس منصوبے کو مختصر مدت میں مکمل کیا

 

جائے۔گوادر پرو کے مطابق مزید یہ کہ سینٹرل ڈویلپمنٹ ورکنگ پارٹی (سی ڈی ڈبلیو پی) نے گزشتہ جون میں جیوانی سے گوادر تک 132 کے وی ٹرانسمیشن لائن کی منظوری دی تھی۔132 کے وی کے دوسرے

 

سرکٹ سٹرنگنگ کی تعمیر، جیوانی سے گوادر (94 کلومیٹر) تک ٹرانسمیشن لائن کی تعمیر کے نام سے یہ منصوبہ 2,322.940 ملین روپے کی لاگت سے مکمل کیا جائے گا۔ گوادر پرو کے مطابق گوادر ایران

 

سے درآمد شدہ بجلی پر انحصار کرتا ہے اور 132 کے وی لائن کی تعمیر سے ساحلی شہر پہلی بار نیشنل گرڈ سے منسلک ہو جائے گا۔

You might also like

Leave A Reply

Your email address will not be published.