پیشن گوئیاں کرنے والوں کی دال پہلے کی طرح اب بھی نہیں گلے گی، میر ضیاء اللہ لانگو

0 172

کوئٹہ (ویب ڈیسک)صوبائی وزیر داخلہ میر ضیاء اللہ لانگو سے آج یہاں ان کے آفس میں رکن صوبائی اسمبلی اصغر ترین اور شاہینہ کاکڑ نے ملاقات کی،ملاقات میں باہمی دلچسپی کے امور، سیاسی صورتحال اورامن وامان پر تبادلہ خیال کیاگیا۔وزیر داخلہ نے اس موقع پر گفتگو کرتے ہوئے کہا کہ وزیر اعلیٰ جام کمال خان کی قیادت میں بلوچستان عوامی پارٹی کی حکومت پہلے سے زیادہ مضبوط ہے۔ سیاست میں اتار چڑھاؤ آتے رہتے ہیں۔انہوں نے کہا کہ

پیشن گوئیاں کرنے والوں کی دال پہلے کی طرح اب بھی نہیں گلے گی۔ صوبائی حکومت بلوچستان کے عوام کے مسائل کو ترجیحی بنیادوں پر حل کررہی ہے۔اللہ تعالیٰ کے فضل و کرم سے ملک میں امن وامان کی صورتحال اطمینان بخش ہے۔وزیراعلیٰ جام کمال کی قیادت میں بلوچستان حکومت نے کرونا کا پھیلاؤ روکنے کیلئے بروقت اقدامات کیے ہیں اور صوبائی حکومت کے کرونا کے خاتمے کے لئے اقدامات قابل تقلید ہے -وزیر داخلہ نے کہا کہ بلوچستان کو ایک

ٹیم ورک کے طورپر چلارہے ہیں۔سیاست میں رواداری،برداشت اوربھائی چارے کے قائل ہیں۔نفرت کی سیاست سے گریز کرنا چائیے۔تنقید برائے تنقید کرنا،الزامات لگانا اوردشنام طرازی ہمارا شیوہ نہیں۔ شرافت،شفافیت اوردیانت کے اصولوں پرچلتے ہیں۔انہوں نے کہا کہ انتقام کی سیاست کو ہمیشہ کیلئے دفن کردیا ہے۔ ماضی میں سیاسی مخالفین کوجان بوجھ کر انتقام کانشانہ بنایا گیا،شہر کے مسائل حل کرنے پر پوری توجہ ہے۔ بلوچستان کیلئے خصوصی ترقیاتی پیکیج تیار کرلیاہے۔انہوں نے کہا کہ صوبے میں عوام کی جان ومال کے تحفظ کیلئے تمام ضروری اقدامات کیے ہیں۔ قانون کی عملداری کو یقینی بنایاگیا ہے۔کرونا سے بچاؤ کے لئے ڈاکٹرز،ہیلتھ پروفیشنلز، پولیس اور دیگر ادارے بھرپور محنت کر رہے ہیں -انہوں نے کہا کہ شہریوں کی جانب سے ایس او پیز پر عمل سے کرونا کا پھیلاؤ کم ہوگا۔

You might also like

Leave A Reply

Your email address will not be published.