بشنوئی گینگ سے جان کا خطرہ، سلمان خان کا بیان سامنے آگیا

اداکار سلمان خان نے کہا ہے کہ بشنوئی گینگ مجھے اور میرے اہل خانہ کو قتل کرنا چاہتا ہے۔ممبئی پولیس کو اپنے بیان میں سلمان خان نے بتایا کہ وہ سمجھتے ہیں کہ رواں برس اپریل میں ممبئی میں انکی رہائش گاہ پر لارنس بشنوئی گینگ کی فائرنگ کا مقصد انہیں اور انکے اہل خانہ کو قتل کرنا تھا۔اداکار سلمان خان نے پولیس کو بتایا کہ انہوں نے چودہ اپریل کی صبح گلیکسی اپارٹمنٹس میں اپنی رہائش گاہ پر سوتے ہوئے پٹاخوں جیسی آواز سنی تھی، صبح انہیں پولیس گارڈ نے

بتایا کہ موٹر سائیکل پر سوار 2 افراد نے پہلی منزل کی بالکونی پر فائرنگ کی ہے۔اپنے بیان میں اداکار سلمان خان نے مزید کہا کہ انہیں بعد میں پتا چلا کہ گینگسٹر لارنس بشنوئی اور اس کے بھائی انمول بشنوئی نے ایک فیس بک پوسٹ میں حملے کااعتراف کیا ہے اور حملے کی ذمہ داری قبول کی ہے۔سلمان خان نے پولیس کو بتایا کہ اس سے پہلے بھی ان پر اور اہل خانہ پر حملہ کرنے کی کوشش کی گئی تھی جس سے متعلق باندرہ پولیس اسٹیشن میں شکایت بھی درج کروائی تھی۔انڈین میڈیا کے مطابق فائرنگ واقعے کے سلسلے میں اداکار کا بیان ممبئی پولیس کی عدالت میں دائر چارج شیٹ کا حصہ ہے۔