نیٹ ورک ، انٹرنیٹ ، اے ٹی ایم اور سیٹلائٹ سروس متاثر ہونے کا خطرہ

چونکہ حکومت اور ایل ڈی آئی آپریٹرز کے درمیان لائسنسوں کی تجدید اور واجبات کا تنازعہ ابھی حل نہیں ہوا ہے، پی ٹی اے نے خدشہ ظاہر کیا ہے کہ ملک میں ٹیلی کام سروسز متاثر ہوں گی۔ حکومت اور ایل ڈی آئی آپریٹرز کے درمیان لائسنس کی تجدید اور واجبات کا تنازع سنگین شکل اختیار کر گیا ہے جس سے ملک میں ٹیلی کام سروسز متاثر ہونے کا خطرہ ہے۔ پاکستان ٹیلی کام اتھارٹی نے وزارت آئی ٹی کو تحریری وارننگ جاری کر دی۔ پی ٹی اے کی دستاویز کے مطابقLDI لائسنسوں کی تجدید نہ ہونے کی صورت میں 50% موبائل ٹریفک متاثر ہو سکتی ہے۔ موبائل ٹاور کام کرنا چھوڑ دیں گے۔ انٹرنیٹ ٹریفک میں بھی 10 فیصد کمی آئے گی۔ خدشہ ہے کہ ملک میں 40 فیصد بینک اے ٹی ایم بند رہیں گے جب کہ سیٹلائٹ سروسز بھی متاثر ہوں گی۔ ایل ڈی آئی کمپنیوں کے لائسنس کی تجدید نہ کرنے پر سروس کو دوسرے آپریٹرز کو منتقل کرنا پڑے گا۔، جو عالمی موبائل اور انٹرنیٹ کنیکشن کو بھی متاثر کر سکتا ہے۔ دور دراز علاقوں میں سرکاری دفاتر کے مواصلاتی رابطے بھی منقطع ہو جائیں گے۔ ایل ڈی آئی کی 10 کمپنیوں کے ذمے مجموعی طور پر 76 ارب روپے واجب الادا ہیں، کمپنیوں نے یہ رقم اے پی سی اور یو ایس ایف کی صورت میں حکومت کو ادا کرنی ہے۔