پاکستان کا آئین قائداعظم محمد علی جناح کے رہنما اصولوں کے مطابق اقلیتوں کے حقوق کا ضامن ہے، رحمان ملک
اسلام آباد (ویب ڈیسک)سینیٹر رحمان ملک نے قائد اعظم کے یوم پیدائش و کرسمس کے موقع پر مبارکباد دیتے ہوئے کہا ہے کہ بابائے قوم قائداعظم کے یوم پیدائش پر پوری قوم و کرسمس کے موقع پرمسیحی بہن بھائیوں کو مبارکباد پیش کرتا ہوں،پوری قوم مسیحی برادری کیساتھ کرسمس کی خوشیوں میں شریک ہے،کرسمس محبت اور امن کی عکاسی کرتا ہے
، آج محبت کے پرچار کا دن ہے،حضرت عیسیٰ دنیا میں محبت، درگزر اور بھائی چارے کا پیغام لے کر آئے تھے
، سینیٹر رحمان ملک نے کہا کہ پاکستان کا آئین قائداعظم محمد علی جناح کے رہنما اصولوں کے مطابق اقلیتوں کے حقوق کا ضامن ہے، ملک کی تعمیر و ترقی اور امن و امان کیلئے مسیحی برادری کے کردار کو خراج تحسین پیش کرتا ہوں،کرسمس کے خوشیاں مناتے ہوئے کورونا ایس او پیز کا خاص خیال رکھا جائے،