صنم جاوید کو عام انتخابات لڑنے کی اجازت
صنم جاوید کو عام انتخابات لڑنے کی اجازت
سپریم کورٹ نے صنم جاوید اور شوکت بسرا کو عام انتخابات لڑنے کی اجازت دے دی۔ عدالت نے دونوں کا نام بیلٹ پیپر میں شامل کرنے کا حکم دے دیا۔ادھر سپریم کورٹ نے پی پی 32 گجرات کی حد تک چوہدری پرویز الہی کو انتخابات لڑنے کی اجازت دے دی۔ عدالت نے پی ٹی آئی رہنما کا نام اور انتخابی نشان بیلٹ پیپر پر چھپانے کی ہدایت کر دی۔ پرویز الٰہی نے باقی
تمام انتخابی حلقوں سے دستبرداری اختیار کر لی۔جسٹس منصور علی شاہ کی سربراہی میں تین رکنی بینچ نے چوہدری پرویز الٰہی کے کاغذات نامزدگی مسترد ہونے کے خلاف اپیل پر سماعت کی۔ وکیل پرویز الہیٰ فیصل صدیقی نے موقف اپنایا کہ ہمیں ابھی تک ریٹرننگ افسر کا مکمل آرڈر بھی نہیں ملا، کاغذات نامزدگی پر یہ اعتراض عائد کیا گیا کہ ہر انتخابی حلقے میں انتخابی خرچ کیلئے الگ الگ اکاؤنٹ نہیں کھولے گئے،
پرویز الہیٰ پانچ حلقوں سے انتخابات لڑ رہے ہیں۔جسٹس اطہر من اللہ نے استفسار کیا کہ قانون میں کہاں لکھا ہے کہ پانچ انتخابی حلقوں کیلئے پانچ الگ الگ اکاو¿نٹس کھولے جائیں۔ جس پر وکیل فیصل صدیقی نے کہا کہ اگر انتخابی مہم میں حد سے زائد خرچہ ہو تو الیکشن کے انعقاد کے بعد اکاو¿نٹس کو دیکھا جاتا ہے، کاغذات نامزدگی وصول کرنے والے دن پولیس نے گھیراؤ کر رکھا تھا۔جسٹس جمال مندوخیل نے ریمارکس دیئے کہ ان باتوں کو چھوڑیں قانون کی بات کریں۔وکیل فیصل صدیقی نے عدالت کو بتایا کہ ایک اعتراض یہ عائد کیا گیا کہ میں نے پنجاب میں دس مرلہ پلاٹ کی ملکیت چھپائی، اعتراض کیا گیا 20 نومبر 2023 کو دس مرلہ پلاٹ خریدا، میرے موکل نے ایسا پلاٹ کبھی خریدا ہی نہیں، اس وقت وہ جیل میں تھے،
ہماری دوسری دلیل یہ ہے کہ اثاثے ظاہر کرنے کی آئندہ آخری تاریخ 30 جون 2024 ہے۔جسٹس اطہر من اللہ نے کہا کہ ہم نے الیکشن ایکٹ کی اس انداز میں تشریح کرنی ہے تاکہ لوگ اپنے حق سے محروم نہ ہوں۔ جسٹس جمال مندوخیل نے کہا کہ جائیدادیں پوچھنے کا مقصد یہ ہوتا ہے کہ معلوم ہو امیدوار کے جیتنے سے قبل کتنے اثاثے تھے اور بعد میں کتنے ہوئے، آپ پلاٹ کی ملکیت سے انکار کر رہے ہیں تو ٹھیک ہے۔سپریم کورٹ نے فریقین کے دلائل سننے کے بعد پی پی 32 گجرات کی حد تک چوہدری پرویز الہی کو انتخابات لڑنے کی اجازت دے دی۔
[…] صنم جاوید کو عام انتخابات لڑنے کی اجازت […]
[…] صنم جاوید کو عام انتخابات لڑنے کی اجازت […]