لڈو پر محبت: پاکستانی لڑکی اور بھارتی لڑکے کے رشتے کا تلخ اختتام

لڈو پر محبت: پاکستانی لڑکی اور بھارتی لڑکے کے رشتے کا تلخ اختتام

پاکستانی لڑکی اقرا جیوانی کو بھارتی شہر بنگلورو میں گرفتار کرلیا گیا

ملائم یادیو کے مشورے کے بعد اقرا گزشتہ برس ستمبر میں نیپال گئی جہاں ملائم پہلے سے انتظار کر رہا تھا، وہاں دونوں نے شادی کی اور پھر بھارتی شہر بنگلورو چلے گئے اور زندگی بسر کرنے لگے، ملائم کے گھر والوں نے دونوں کے رشتے کو اپنایا۔

گزشتہ ہفتے اقرا کو پاکستان واپس بھیج دیا گیا جب کہ ملائم اب تک بنگلورو کی جیل میں قید ہے۔
جوڑے کی پہچان ایک دوسرے سے تین سال قبل کووڈ کے دور میں آن لائن گیم لڈو کھیلنے کے دوران ہوئی تاہم بات چیت بڑھی اور دونوں ایک دوسرے کی محبت میں گرفتار ہوگئے۔

دونوں ممالک کے درمیان ایسے تعلقات ہونے کے باوجود 21 سالہ ملائم سنگھ یادیو نے 19 سالہ پاکستانی لڑکی اقرا سے محبت کی اور اسے ملک میں داخل کرانے کے لیے غیر قانونی طریقہ اپنایا جس کے بعد دونوں کی محبت کا تلخ انجام ہوا۔

رواں برس جنوری میں اقرا کو غیر قانونی طور پر بھارت میں داخل ہونے پر حراست میں لیا گیا جب کہ ملائم کو جعلسازی کے الزام میں گرفتار کرکے جیل بھیج دیا گیا۔

اقرا کے گھر والوں نے اس پر شادی کا دباؤ ڈالا تو اس نے ملائم کو بتایا اور دونوں نے شادی کرنے کا فیصلہ کرلیا۔