گروتھ اسٹریٹجی2023وزیراعظم کے مشن اور وژن کی تکمیل کی جانب اہم اقدام ہے، فردوس عاشق اعوان

اسلام آباد وزیر اعظم کی معاون خصوصی برائے اطلاعات فردوس عاشق اعوان نے کہا ہے کہ گروتھ اسٹریٹجی2023وزیراعظم عمران خان کے مشن اور وژن کی تکمیل کی جانب اہم اقدام ہے، عمران خان کی جدوجہد سے دہائیوں سے پنجاب کی عوام پر مسلط استحصالی نظام اور شخصیت پرستی کا خاتمہ ہوا، شہباز شریف کی کارکردگی ٹی وی ہیڈ لائنز اور اخبارات کے اشتہارات تک محدود تھی۔ہفتہ کو فردوس عاشق اعوان نے اپنے ٹویٹر پیغام میں کہا کہ گروتھ اسٹریٹجی2023وزیراعظم عمران خان کے مشن اور وژن کی تکمیل کی جانب اہم اقدام ہے،صوبے میں غربت کی سطح کم کرنے، پسماندہ علاقوں، زراعت کی ترقی، بے روزگاری کا خاتمہ،پینے کے صاف پانی کی فراہمی سمیت تعلیم اور صحت کے شعبوں کو خصوصی توجہ دی جائے گی،دہائیوں سے پنجاب کی عوام پر مسلط استحصالی نظام اور شخصیت پرستی کا خاتمہ عمران خان کی جدوجہد سے ممکن ہوا،شہباز شریف کی کارکردگی ٹی وی ہیڈ لائنز اور اخبارات کے اشتہارات تک محدود تھی،گروتھ اسٹریٹجی 2023سے ترقی کے ثمرات صوبے کے ہر شہری تک پہنچیں گے۔