ایران میں 9 پاکستانی شہری کیسے مارے گئے؟
ایران میں 9 پاکستانی شہری کیسے مارے گئے؟
حکومت کن شعبوں سے متعلقہ افراد کو کینیڈا بھجوائے گی، تفصیلات سامنے آگئی
ایران میں پاکستانیوں کو کیسے قتل کیا گیا؟ مقتول زبیر کے دوست نجیب الرحمان نے واقعے کی تفصیلات بیان کردیں۔ایران کے علاقے سراوان میں نامعلوم افراد کی فائرنگ سے 9 پاکستانی جاں بحق اور 3 زخمی ہوگئے، جاں بحق ہونے والے دو پاکستانیوں کا تعلق لودھراں سے تھا، واقعے کی اطلاع ملنے کے بعد اہلخانہ غم سے نڈھال ہیں۔پاکستانیوں کےقتل پر ایران میں موجود مقتول زبیر کے دوست نجیب الرحمان نے میڈیا سے گفتگو کرتے ہوئے بتایا کہ فائرنگ سے اظہر جاں بحق اور اس کا بھائی بھی زخمی ہوا۔نجیب الرحمان کا کہنا ہے کہ مقتول اظہر کے زخمی بھائی نے بتایا کہ 2 مسلح افراد کوارٹر میں داخل ہوئے اور فائرنگ کر دی
۔مقتول زبیر کے دوست نے کہا کہ اظہر کے زخمی بھائی نے بتایا کہ فائرنگ کا واقعہ رات ڈیڑھ 2 بجے پیش آیا، جس میں 9 افراد جاں اور 3 زخمی ہوئے۔نجیب الرحمان کا مزید کہنا تھا کہ ہمارے کوارٹر کا فاصلہ مقتولین کے کوارٹر سے تھوڑے فاصلے پر ہے، کوارٹر کے فاصلے اور سردی کی وجہ سے فائرنگ کی آواز نہیں آئی۔ایران کے شہر سراوان میں نامعلوم افراد نے 9 پاکستانی مزدوروں کو قتل کردیا۔ایرانی خبررساں ایجنسی مہر کے مطابق پاکستانی سرحد سے ملحقہ ایرانی کے صوبے سیستان و بلوچستان کے شہر سراوان میں نامعلوم مسلح افراد نے پاکستانی مزدوروں کو قتل کیا۔مقامی بلوچ رائٹس گروپ کا کہنا ہے کہ واقعے میں مزید 3 افراد زخمی ہوئے اور متاثرہ جاں بحق و زخمی افراد پاکستانی مزدور تھے جو مقامی ورکشاپ پر کام کرتے تھے اور وہیں رہائش اختیار کر رکھی تھی۔
مہر ایجنسی کے مطابق اب تک کسی گروپ کی جانب سے واقعے کی ذمہ داری قبول نہیں کی گئی ہے۔جاں بحق مزدوروں کے اہلخانہ نے بتایا کہ جاں بحق ہونے والے 2 مزدوروں کا تعلق لودھراں کےعلاقےگیلے وال سے ہے، لودھراں کے رہائشی زبیر اور اس کا بھانجا ابوبکر مزدوری کیلئے ایران گئے تھے۔دوسری جانب ایران میں پاکستانی سفیر مدثر ٹیپو نے بھی واقعے
میں 9 پاکستانی مزدروں کے قتل کی تصدیق کی اور کہا کہ سراوان میں 9 پاکستانیوں کے ہولناک قتل پرگہراصدمہ ہے۔انہوں نے کہا کہ پاکستانی سفارت خانہ سوگوار خاندانوں کی مکمل مددکرےگا، زاہدان میں پاکستانی قونصل جنرل جائے حادثہ اوراسپتال کادورہ کرچکے ہیں۔پاکستانی سفیر کا کہنا تھاکہ ایران سے پاکستانیوں کے قتل کے واقعے پر مکمل تعاون کرنے کا مطالبہ کیا ہے۔خیال رہے کہ ایران کی جانب سے پاکستان میں دراندازی کے بعد گزشتہ روز ہی پاکستان اور ایران کے سفارتی تعلقات مکمل بحال ہوئے تھے
[…] ایران میں 9 پاکستانی شہری کیسے مارے گئے؟ […]
[…] ایران میں 9 پاکستانی شہری کیسے مارے گئے؟ […]
[…] ایران میں 9 پاکستانی شہری کیسے مارے گئے؟ […]