تعلیمی، تدریسی، انتظامی امور سمیت معاشی معمولات پر کوئی لاپرواہی ہرگز برداشت نہیں کی جائیگی، ڈاکٹر قادر بخش بلوچ

میر چاکر خان رند یونیورسٹی کی اکیڈمک کونسل کا چوتھا اجلاس زیر صدارت واٸس چانسلر ڈاکٹر قادر بخش بلوچ کے ویڈیو کانفرنس ہال میں منعقد ہوا جس میں مختلف انتظامی، مالیاتی اور تعلیمی پروگراموں کی منظوری دی گٸی اجلاس سے خطاب کرتے ہوٸے واٸس چانسلر ڈاکٹر قادر بخش بلوچ نے انتظامی و تعلیمی امور پر اطمینان کا اظہار کرتے ہوٸے کہا کہ تعلیمی، تدریسی، انتظامی امور سمیت معاشی معمولات پر کوٸی لاپرواہی ہرگز برداشت نہیں کی جاٸے گی تمام سیکشنز کے ہیڈز فیکلٹی ممبران اور اسٹاف عملہ اپنی کارکردگی میں مزید بہتری لانے کیلٸے اپنی تمام تر صلاحیتیں برٶے کار لاٸے جدید عصری علوم پر دسترس کے علاوہ نٸی ٹیکنالوجی سے بھرپور استفادہ حاصل کیا جاٸے پاٸیدار ترقی علم و ہنر کی مرہون منت ہے انہوں نے کہا کہ میر چاکر خان رند یونیورسٹی تعلیم و تربیت، کمیونیکیشن بہتر بنانے کے ساتھ ہنر و روزگار کے وسیع تر مواقع فراہم کررہی ہے انہوں نے تیسری اکیڈمک کونسل کی پیشرفت پر اظہار اطمینان کرتے ہوئے بی ایس اکنامکس، بی ایس ٹورازم، ہاسپیٹلٹی اینڈ ہیریٹیج مینجمنٹ، بی ایس کامرس سمیت نئے تعلیمی پروگراموں کی منظوری دیتے ہوٸے مہر گڑھ تہذیب اور اسکے سماجی و اقتصادی پہلوؤں کی اہمیت کے پیش نظر “مہرگڑھ انسٹی ٹیوٹ آف ہیریٹیج اینڈ ٹورازم مینجمنٹ کے قیام” کی منظوری دی جبکہ طلباء کو تجارتی سہولیات کی فراہمی کیلٸے “بزنس انکیوبیشن سنٹر” کے قیام کی منظوری دی جو طلباء کو اسٹارٹ اپس، انٹرن شپس اور مارکیٹ میں روزگار کے حصول میں مدد فراہم کرے گا اجلاس میں سیکرٹری کالجز، ہائر اینڈ ٹیکنیکل ایجوکیشن، حکومت بلوچستان کے نماٸندے لال جان جعفر، پرو وائس چانسلر (MCKRU) پروفیسر ڈاکٹر سید مشتاق احمد شاہ، رجسٹرار ڈاکٹر ہمایوں یوسف شاہوانی، تعلیمی پروگرام کے تمام سربراہان شریک ہوٸے۔

میر چاکر خان رند یونیورسٹی سبی میں انتظامی و مالی امور بارے فنانس اینڈ پلانگ کا اعلی سطح اجلاس پروفیسر ڈاکٹر قادر بخش بلوچ کی سربراہی میں منعقد ہوا جس میں جامعہ ہذا کے پرو وائس چانسلر پروفیسر ڈاکٹر سید مشتاق احمد شاہ، گورنر بلوچستان و ہاٸر ایجوکیشن کمیشن اور سیکرٹری فنانس کے نماٸندوں سمیت کمیٹی کے دیگر ممبران نے شرکت کی اجلاس سے خطاب کرتے ہوٸے واٸس چانسلر (MCKRU) ڈاکٹر قادر بخش بلوچ نے کہا کہ میر چاکر خان رند یونیورسٹی کے تمام منصوبہ جات کو مقررہ وقت پر پاٸیہ تکمیل تک پہنچایا جاٸے 2022-2023 کے بجٹ کے گوشواروں میں مالیاتی نظم و نسق برقرار رکھنے پر بجٹ کنٹرولز کی کارکردگی کو سراہتے ہیں ہمیں میر چاکر خان رند یونیورسٹی کو خود کفیل بنانے اور اسے ملکی سطح پر اعلی مقام دلانے کیلٸے ہر ایک کو اپنی تمام تر صلاحیتیں برٶے کار لانی ہونگی قبل ازیں فنانس ڈپارٹمنٹ نے مالی سال 2023 2024 کا بجٹ پیش کیا جو کثرت راٸے سے منظور کرلیا گیا۔