سعودی عرب کی 80 کروڑ ڈالر کی سرمایہ کاری : پاکستانی معشیت کے لئے بڑی خبر

ریکوڈک میں سعودی عرب کی 80 کروڑ ڈالرسرمایہ کاری کے معاہدے کے حوالے سے اہم خبر آگئی۔تفصیلات کے مطابق پاکستان کی معیشت میں بہتری کا اہم سنگ میل عبور ہونے کے قریب ہے، ذرائع نے بتایا کہ ریکوڈک میں سعودی عرب کی 80 کروڑ ڈالرسرمایہ کاری کا معاہدہ رواں ہفتے ہوگا، معاہدے کے تحت 65 کروڑ ڈالر سرمایہ کاری کی جائےگی۔ذرائع کا کہنا تھا کہ معاہدے کے تحت 15 کروڑ ڈالر گرانٹ چاغی میں ڈیولپمنٹ کیلئےخرچ ہو گی،معاہدہ طے پانا آئی ایم ایف ایگزیکٹو بورڈ سے منظوری کیلئے معاون ثابت ہو گا۔

سعودی عرب کی سرمایہ کاری ،قرض رول اوور کے بعد چین قرض رول اوور کریگا.وزیراعظم کوآج ریکوڈک میں سرمایہ کاری کیلئے وزارت توانائی حکام بریفنگ دیں گے ، سعودیہ سے سرمایہ کاری لانے میں ایس آئی ایف سی نے کردار ادا کیا۔اوجی ڈی سی ایل، پی پی ایل اور جی ایچ پی ایم کے 15 فیصد شیئرز فروخت ہوں گے ،

ایس آئی ایف سی نے سعودی عرب سے سرمایہ کاری میں حائل رکاوٹوں کو دور کیا۔پاکستان نے ریکوڈک میں سعودیہ کی سرمایہ کاری کیلئے 90 کروڑ ڈالر کا تخمینہ لگایا تھا، سعودیہ سے ریکوڈک میں سرمایہ کاری ایک ہی ٹرانچ میں موصول ہوگی۔وزیراعظم کو بریفنگ کے بعد حتمی منظوری کےلئے آئندہ وفاقی کابینہ اجلاس میں پیش ہو گا ، سعودیہ ریکوڈک کے ایکسپلوریشن لیزبلاک 6 اور بلاک 8 میں بھی سرمایہ کاری کرے گا۔سعودیہ سے ریکوڈک میں مجموعی سرمایہ کاری کا تخمینہ 10 ارب ڈالر تک لگایا جا رہاہے تاہم سرمایہ کاری ہونے سے دونوں ممالک میں تعلقات مزید استوار ہوں گے۔ریکوڈک میں سرمایہ کاری کیلئے سعودی عرب کیساتھ 8 ماہ سے بات چیت چل رہی تھی۔