کس اور جگہ چغلی کرنے کی ضرورت نہیں ، شکایت ہو تو مجھے بتائیں ، بلاول بھٹو

کس اور جگہ چغلی کرنے کی ضرورت نہیں ، شکایت ہو تو مجھے بتائیں ، بلاول بھٹو

پاکستان پیپلز پارٹی کے چیئرمین بلاول بھٹو زرداری کا کہنا ہے کہ اگر کسی بیوروکریٹ یا وزیراعلیٰ سے کوئی شکایت ہو تو مجھے بتائیں، کسی اور جگہ چغلی کرنے کی ضرورت نہیں ہے، ہم تاجروں کے ساتھ مل کر مسائل کا حل نکالیں گے۔چیئرمین پی پی بلاول بھٹو نے تاجر برادری کے اعزاز میں کراچی میں ایک تقریب کا انعقاد کیا جس میں انہوں نے تاجربرادری سے بات چیت کی اور ان کے مسائل سنے۔بلاول بھٹو نے تقریب سے خطاب کرتے ہوئے کہا کہ اگر کسی بیوروکریٹ یا وزیراعلیٰ سے کوئی شکایت ہو تو مجھے بتائیں، کسی اور جگہ چغلی کرنے کی ضرورت نہیں ہے۔ بلاول بھٹو نے مزید کہا کہ سندھ میں ذمہ دار پیپلز پارٹی ہے اور ہمیں مسائل کے حل کے لیے آگاہ کریں۔انہوں نے کہا کہ آج آپ سے بھتہ نہیں مانگا جا رہا، صنعتوں کو بند کر کے مزدوروں کو سیاسی جلسوں میں نہیں لے جایا جا رہا اور آپ کی زندگی کو کوئی خطرہ ہیں۔ تاجر برادری کے مسائل بہت پہلے حل ہو جانے چاہیے تھے، اور کراچی اور ملک کی ترقی میں تاجر برادری کا اہم کردار ہے۔چیئرمین پی پی نے اپنے خطاب میں سوال کیا کہ ’کیا میں نے کبھی آپ کو تنگ کیا؟‘ اور کہا کہ ’میں کیوں چاہوں گا کہ میرے یا میری حکومت کے نام پر تاجروں کو تنگ کیا جائے؟‘،ماضی میں کراچی کا چلن اب تاریخ کا حصہ بن چکا ہے اور اب ہوائی باتیں ختم ہونی چاہئیں۔ان کا مزید کہنا تھا کہ 15 سال سے میری حکومت ہے، کیا میں نے آپ کو تنگ کیا؟ سندھ میں پیپلز پارٹی کی حکومت ہے اور وزیراعلیٰ آپ کی بات سنیں گے۔چند روزقبل وفاقی وزیر برائے منصوبہ بندی احسن اقبال کی کراچی میں تاجروں سے ملاقات کے دوران تاجر رہنما عتیق میر نے ان سے کہا تھا، ’کچھ عرصے کے لیے مریم نواز ہمیں دے دیں اور مراد علی شاہ آپ رکھ لیں۔