ٹیکنیکل اور ووکیشنل اداروں کی آن لائن پورٹل رجسٹریشن کا آغاز

وزیراعلی مریم نواز نے ویژن نوجوانوں کے لئے ٹیکنکل ایجوکیشن کے شاندار مواقع فراہم کرتے ہوئے ٹیکنیکل اور ووکیشنل اداروں کی آن لائن پورٹل رجسٹریشن کا آغاز کر دیا۔تفصیلات کے مطابق وزیراعلی مریم نواز شریف کی ہدایت پر سہل اور تیز ترین آن لائن رجسٹریشن کا آغاز یکم مارچ (کل) سے ہوگا۔ درخواست وصولی سے لیکر سرٹیفکیٹ کے اجرا تک مکمل آن لائن ہوگا۔ تین سالہ ڈی اے ای کورسز کی رعایتی فیس میں مکمل دورانیہ کےلئے رجسٹریشن ہوگی۔ادارے کے نام پر بیک اکاؤنٹ کھلوانے کی شرط میں نرمی اور اکاؤنٹ سرٹیفکیٹ کے اجراء سے مشروط ہے۔ طلبہ اور والدین کے لئے دفاتر کے چکر لگانے کی پریشانی سے آزادی اور ایک ہی کلک پر تمام معلومات کی فراہمی بھی شامل ہے۔ پنجاب سکلز ڈویلپمنٹ اتھارٹی ایکٹ 2019ء کے تحت تمام اداروں کوپنجاب سکلز ڈویلپمنٹ اتھارٹی کے ساتھ رجسٹریشن کے پابند کر دیا گیا۔

خلاف ورزی کی صورت میں 6 ماہ قید اور 10 لاکھ روپے تک کا جرمانہ کیا جائے گا۔پنجاب سکلز ڈویلپمنٹ اتھارٹی کی ویب سائٹ پر 622 غیر قانونی اور غیر منظور شدہ اداروں کی فہرست شائع کر دی گئی۔ تمام منظور شدہ اداروں کی تفصیل بمعہ کورسز اور تعداد ویب پورٹل میں موجود ہے۔ طلبہ کی سہولت پی ایس ڈی اے کی ویب سائٹ پر متعلقہ کورسز کے کریکولم موجود ہے۔ویب سائٹ پر کسی بھی غیر قانونی ادارے سے متعلق آن لائن شکایت بھی درج کرائی جا سکے گی۔

طلبہ ویب پورٹل www.psda.punjab.gov.pk پر ان لائن رجسٹریشن کر اسکتے ہیں۔ پنجاب سکلز ڈویلپمنٹ اتھارٹی کی ای میل registration@psda.punjab.gov.pk پر رابطے کی سہولت موجود ہے۔اس موقع پر وزیراعلیٰ پنجاب مریم نواز کا کہنا تھا کہ نوجوانوں کو ہنر مند بنا کر خود روزگار کی طرف گامزن کرنا چاہتے ہیں، نوجوان ملک کا قیمتی اثاثہ بے روزگار کے مواقع مہیا کرنا چاہتے ہیں۔