سرداراخترجان مینگل ایٹمی دھماکوں کے حوالے سے بڑے انکشافات سامنے لے آئے
کوئٹہ(ویب ڈیسک )بلوچستان نیشنل پارٹی کے سربراہ سردار اختر جان مینگل نے کہا ہے کہ چاغی میں ایٹمی دھماکے ،کریڈیٹ لینے والے بہت ہیں لیکن کیا کسی صدر،وزیراعظم ،وزیر نے چاغی کادورہ کیاہے کہ وہاں کیا حالات ہیں ،ایٹمی دھماکوں سے قبل اعتماد میں نہیں لیاگیا احتجاج کرنے پر وزارت اعلیٰ سے ہاتھ دھونا پڑا،اپنے سینہ پر ایٹمی دھماکے برداشت کرنے والا ضلع چاغی آج بھی قدرتی وسرکاری آفات کی زد میں ہے ۔ان خیالات کاظہار انہوں نے قومی اسمبلی کے اجلاس میں اظہار خیال کرتے ہوئے کیا۔ سرداراخترجان مینگل نے کہاکہ آج 28مئی ہے میں ریکارڈ کی درستگی کیلئے 28مئی 1998میں اس وقت وزیراعلی ٰبلوچستان تھا چاغی ایٹمی دھماکے کیلئے جس جگہ کو منتخب کیا گیا تھا
اس وقت کو خوش قسمتی کہیں یا بد قسمتی کہیں جس دن ایٹمی دھماکے ہوئے بحیثیت وزیراعلیٰ مجھے اعتماد میں نہیں لیا گیا تھا اور جس پر ہم نے جب احتجاج کیا اور اعتراض کیا ہمیں کیا پتہ تھا اس احتجاج پر ہمیں وزیراعلیٰ شپ سے ہاتھ دھونے پڑیں گے اور میاں محمد نواز شریف اس وقت وزیراعظم تھے اور انہوں نے اپنے تقاریر میں بھی یہ حوالہ دیا ہے کہ ان سے یہ غلطی ہوئی ہے حالانکہ قصور ہمارا نہیں تھا صرف اس احتجاج کا تھا چاغی کی پہاڑوں کی تصاویر پاکستان کے کونے کونے میں بنا ئے گئے اور سجائے گئے تھے پاکستان کا کوئی ایسا شہر نہیں ہے جہاں چاغی کے پہاڑوں کی تصاویر نہ ہو وہ دن اور آج کا دن یہاں پر موجود وزرائے اعظم بھی اس کے بعد کئی گزرے صدر پاکستان بھی
حریم شاہ نےمولانا فضل الرحمن کو ایک بار پھر ہاڑے ہاتھوں لے لیا
گزرے مجھے کوئی ایک ہاتھ اٹھا کر یہ بتا ئیں آج تو تعریفیں کئے جارہے ہیں اور کریڈٹ ایک دوسرے کو دیا جارہا ہے مجھے اس سے انکار نہیں ہے چاہیے ایٹمی دھماکوں کی بنیاد کس نے رکھی ہے اور ایٹمی دھماکے کس دور میں ہوئے ہیں یہ ان کو مبارک ہو لیکن اس خطے جس کا سینہ چاک کر کے وہاں پر ایٹمی دھماکے کئے گئے کیا کسی وزیر نے کسی وزیر اعظم نے کسی صدر نے ،کسی مشیر نے چاغی کا دوبارہ کوئی دورہ کیا ہے اس کے بعد وہاں پر قدرتی آفتیں بھی آئی ہیں قحط سالی بھی آئی ہے اور سیلاب آیا ہے اس کے ساتھ ساتھ سرکاری آفتیں بھی آئی ہیں چاغی کے عوام کینسر کی مرض میں مبتلا ہیں اس سال جو سیلاب بلوچستان میں آیا ہے جس سے چاغی زیادہ متاثر ہوا ہے کسی نے آج تک چاغی کے مظلوم محکوم عوام کے بارے میں کوئی بات کی ہے صرف 28مئی کو ہم یوم تقدیر مناتے ہیں اور اللہ اکبر کے نعرے لگا رہے ہیں پاکستان کو ایٹمی طاقت پر ہم فخر کرتے ہیں لیکن اس عوام سے جا کر پوچھیں جو پینے کے پانی کیلئے محتاج ہیں جن کو تعلیم ،صحت ،جن کو بنیادی سہولیات میسر نہیں ہیں ۔