23 ویںنیشنل سیکیورٹی ورکشاپ کے شرکاءکا نیول ہیڈکوارٹرز کا دورہ
23 ویںنیشنل سیکیورٹی ورکشاپ کے شرکاءکا نیول ہیڈکوارٹرز کا دورہ
اسلام آباد(بیورو چیف)تئیسویں نیشنل سیکیورٹی ورکشاپ کے شرکائ نے نیول ہیڈکوارٹرز اسلام آباد کا دورہ کیا۔ وفد کی قیادت ڈائریکٹر جنرل انسٹیٹیوٹ آف اسٹریٹجک اسٹڈیز اینڈ ریسرچ اینالیسس (ISSRA) میجر جنرل احسان محمود خان کر رہے تھے۔ورکشاپ کے شرکائ کو پاک بحریہ کے چیلنجز اور لائحہ عمل بشمول میری ٹائم سیکٹر اور سماجی و اقتصادی ترقی میں پاک بحریہ کے کردار کے بارے میں بریفنگ دی گئی۔ چیف آف دی نیول اسٹاف ایڈمرل
محمد امجد خان نیازی نے ورکشاپ کے شرکاءسے بات چیت کی۔شرکاءسے خطاب کرتے ہوئے نیول چیف نے میری ٹائم سیکیورٹی اور پاکستان کی بحری استعداد سے متعلق امور پر تفصیلی روشنی ڈالی۔ نیول چیف نے میری ٹائم اور کوسٹل سیکیورٹی کو بڑھانے، تعلیم اور صحت کے شعبے میں معاونت اور ساحلی علاقوں کی سماجی و اقتصادی ترقی میں پاک بحریہ کے اقدامات پر زور دیا۔ ورکشاپ کے شرکائ میں اراکین پارلیمنٹ، سیاستدان، بیوروکریٹس، مسلح افواج کے افسران کے ساتھ ساتھ سول سوسائٹی کے نمائندے بھی شامل تھے۔ شرکاءنے پاک بحریہ کی کاوشوں کو بے حد سراہا اور قیمتی تجاویز پیش کیں۔