بارسلونا میں کشمیر یوم سیاہ کے حوالے سے ایک تقریب کا اہتمام

بارسلونا میں کشمیر یوم سیاہ کے حوالے سے ایک تقریب کا اہتمام

بارسلونا(انٹرنیشنل ڈیسک)گلوبل ٹائمز میڈیا یورپ کے مطابق قونصلیٹ جنرل آف پاکستان بارسلونا نے کشمیر یوم سیاہ کے حوالے سے ایک تقریب کا اہتمام کیا جس میں بارسلونا اور اس کے گردونواح میں مقیم پاکستانی کمیونٹی کی بڑی تعداد نے شرکت کی۔تنازعہ کشمیر کی ابتدا پر مشتمل ایک ویڈیو کی اسکریننگ کی گئی، جس میں ہندوستانی مقبوضہ جموں و کشمیر (IIOJK) میں ہندوستانی افواج کے ذریعہ کئے جانے والے مظالم اور بربریت کو دکھایا گیا ہے۔کشمیر بلاک ڈے’ پر صدر، وزیر اعظم اور

وزیر خارجہ پاکستان کے خصوصی پیغامات قونصل جنرل مراد علی وزیر نے پڑھ کر سنائے۔تقریب کی خاص بات،ہسپانوی پارلیمنٹ کی رکن محترمہ مرس پیریا کی گفتگو تھی۔ اپنی گفتگو میں محترمہ پری نے اس دیرینہ مسئلے کو بین الاقوامی اصولوں اور کنونشن کے مطابق حل کرنے پر زور دیا۔انہوں نے

کہا کہ دنیا کو IIOJK میں انسانی حقوق کی خلاف ورزیوں کا نوٹس لینا چاہیے۔یہ مشرق وسطیٰ کی طرح جنگ کا ایک اور نقطہ آغاز نہیں ہونا چاہیے۔ سفیر، شجاعت علی راٹھور نے اپنے ریمارکس میں تنازعہ کشمیر کے حل میں یوم سیاہ کی اہمیت کو اجاگر کیا اور عالمی برادری پر زور دیا کہ وہ IIOJK میں انسانی حقوق کی سنگین خلاف ورزیوں کا نوٹس لے۔ انہوں نے کہا کہ اس تقریب کا مقصد کشمیر میں قابض افواج کا سفاک چہرہ دکھانا ہے۔ انہوں نے اس بات پر بھی زور دیا کہ اس بار دنیا کو تنازعہ کے پرامن حل کے لیے اپنے عزم کا احساس کرنا چاہیے۔ جناب سفیر نے کشمیر کے عوام کے حق خود

ارادیت کے منصفانہ مقصد کی سیاسی، سفارتی اور اخلاقی حمایت فراہم کرنے کے پاکستان کے موقف کا اعادہ کیا۔ انہوں نے تمام شرکاء سے اپیل کی کہ وہ کشمیری عوام کی آواز بنیں۔ تقریب کا اختتام ہمارے کشمیری بھائیوں اور بہنوں کے لیے خصوصی دعا کے ساتھ ہوا۔