سفارتخانہ پاکستان جبوتی میں یوم سیاہ کشمیر کے حوالے سے تقریب کا انعقاد

جبوتی(انٹرنیشنل ڈیسک)گلوبل ٹائمز میڈیا یورپ کے مطابق سفارتخانہ پاکستان جبوتی میں آج 27 اکتوبر کو ’’یوم سیاہ‘‘ کے طور پر منانے کی خصوصی تقریب کا انعقاد کیا گیا۔ تقریب میں پاکستانی کمیونٹی کے اراکین، سول سوسائٹی اور سفارتخانے کے حکام نے شرکت کی۔تقریب کا آغاز تلاوت کلام پاک سے ہوا۔ وزیر اعظم اور ڈی پی ایم/وزیر خارجہ پاکستان کے خصوصی پیغامات ڈپٹی ہیڈ آف مشن مسٹر شکیل احمد نے پڑھ کر سنائے ۔اس موقع پر سفیر اقصیٰ نواز نے صدر پاکستان کا پیغام پہنچایا۔بعد ازاں، سفیر اقصی نواز نے اپنے تبصروں میں بھارتی مقبوضہ جموں و کشمیر کی صورتحال پر روشنی ڈالی جو کہ 27 اکتوبر 1947 کو بھارتی فوجی طاقت کے ذریعے غیر قانونی قبضے میں آیا تھا۔ تب سے یہ خطہ کشمیری عوام کے حق خودارادیت کے لیے استصواب رائے کے انعقاد کے لیے اقوام متحدہ کی سلامتی کونسل کی قراردادوں کے علاوہ بھارتی حکومت کے وحشیانہ طاقت، جبر اور پرتشدد طریقوں سے غیر قانونی قبضے میں ہے۔ IIOJK میں بھارتی مظالم کی مذمت کرتے ہوئے، سفیر اقصی نواز نے کہا کہ IIOJK کی خصوصی حیثیت کو یکطرفہ طور پر منسوخ کرنے کے بعد صورتحال مزید گھمبیر ہوتی جا رہی ہے جو کہ قابض حکومت کی جانب سے جموں و کشمیر کے آبادیاتی ڈھانچے کو تبدیل کرنے اور مقامی کشمیریوں کو اقلیت میں کم کرنے کی دانستہ کوشش کی نشاندہی کرتی ہے۔ انہوں نے عالمی برادری پر زور دیا کہ وہ IIOJK میں مظالم کو فوری طور پر روکنے، دیرینہ تنازعہ کشمیر کو حل کرنے اور کشمیری عوام کی مرضی کے مطابق اقوام متحدہ کی سلامتی کونسل کی قراردادوں پر عمل درآمد کے لیے اپنا کردار ادا کرے۔تقریب میں کشمیری عوام کی بہادرانہ جدوجہد کی تصویری نمائش اور خصوصی دستاویزی فلم کی نمائش کی گئی۔ تقریب کا اختتام کشمیریوں کے لیے دعا اور ہلکی پھلکی کھانے سے ہوا۔