کراچی میں اساتذہ کا احتجاج دوسر ے روز بھی جاری رہا ، تدریسی عمل کا بائیکاٹ، میٹرک امتحانات کے بائیکاٹ کی دھمکی
کراچی میں اساتذہ کا احتجاج دوسر ے روز بھی جاری رہا ، صوبے بھر میں تدریسی عمل کے بائیکاٹ کا اعلان کرتے ہوئے میٹرک امتحانات کے بائیکاٹ کی دھمکی دے دی۔ تفصیلات کے مطابق گزشتہ روز اساتذہ کے وزیر اعلی ہاس کی جانب مارچ کو پولیس نے شیلنگ اور لاٹھی چارج کر کے ناکام بنا دیا تھا، ہنگامہ آرائی میں ایک درجن سے زائد مظاہرین زخمی جبکہ پولیس نے 13 افراد کو حراست میں لیا۔ پریس کلب کے اطراف کی سڑکوں پر بدترین ٹریفک جام رہا۔بلاول بھٹو زرداری نے اساتذہ کے خلاف طاقت استعمال کرنے پر اپنی ہی سندھ حکومت کی مذمت کر دی جبکہ سیکریٹری تعلیم نے میٹرک امتحانات کے وقت احتجاج کو سازش قرار دیا ہے۔ وزیر اعلی کی ہدایت پر گرفتار مظاہرین کو رہا کیا گیا۔ جمعہ کو بھی کراچی میں اساتذہ کا احتجاج دوسر ے روز جاری رہا ، اساتذہ نے صوبے بھر میں تدریسی عمل کے بائیکاٹ کا اعلان کر دیا اور میٹرک امتحانات کے بائیکاٹ کی دھمکی دے دی۔