پیٹرا کویٹووا نے اسٹٹ گارٹ اوپن ویمنز سنگلز ٹورنامنٹ جیت لیا

برلن جمہوریہ چیک کی نامور ٹینس سٹار اور ایونٹ کی تھرڈ سیڈد پیٹرا کویٹووا نے اسٹٹ گارٹ اوپن ٹینس ٹورنامنٹ ویمنز سنگلز ایونٹ جیت لیا۔ انہوں نے فائنل میں استونیہ کی اینت کونتا کو شکست دیکر ٹائٹل اپنے نام کرلیا۔اس سے قبل عالمی نمبر ایک جاپانی کھلاڑی نائومی اوساکا فٹنس مسائل کے باعث سیمی فائنل میچ سے دستردار ہو گئی تھیں۔ جرمنی میں جاری ایونٹ میں کھیلے گئے ویمنز سنگلز فائنل میں جمہوریہ چیک کی سٹار کھلاڑی کویٹووا نے عمدہ کارکردگی کا مظاہرہ کرتے ہوئے استونیہ کی اینت کونتا کو سٹریٹ سیٹس میں 6-3 اور 7-6 سے ہرا کر ٹورنامنٹ جیت لیا۔