وزیر خزانہ اسحاق ڈار کے منجمد اثاثے بحال

وزیر خزانہ اسحاق ڈار کے منجمد اثاثے بحال

لاہور کی ضلعی انتظامیہ نے نیب کے حکم پر وزیر خزانہ سینیٹر اسحاق ڈار کے منجمد اثاثے بحال کر دیے۔

وفاقی وزیر اسحاق ڈار کے دیگر بینک اکاؤنٹس کو بحال کرنے کا مراسلہ بھی جاری کیا گیا۔

اسحاق ڈار کے اکاؤنٹ میں 50 کروڑ 79 لاکھ 48 ہزار روپے بحالی کا مراسلہ جاری کیا گیا ہے۔

ضلعی انتظامیہ کا کہنا ہے کہ اسحاق ڈارکے بینک اکاؤنٹس کو بحال کرنے کا مراسلہ بھی بینک انتظامیہ کو جاری کیا ہے۔

نیب نے احتساب عدالت کے حکم پر اسحاق ڈار کے اثاثے بحال کرنے کی ہدایت کی تھی جس پر عمل درآمد کرتے ہوئے لاہور کی انتظامیہ کی جانب سے اسحاق ڈار کے گلبرگ میں گھر ہجویری ہاؤس کی سپر داری بھی کرا دی گئی ہے۔