تحریک عدم اعتماد،اپوزیشن کی تعداد 176 تک پہنچ گئی

تحریک عدم اعتماد،اپوزیشن کی تعداد 176 تک پہنچ گئی

اسلام آباد (ویب ڈٰسک) تحریک عدم اعتماد کے معاملہ پر حکومت اور اپوزیشن کے درمیان کانٹے کا مقابلہ جاری ہے ۔ حکومتی اراکین کی تعداد 180 سے کم ہوکر 166 رہ گئی ۔ اپوزیشن کی تعداد میں مسلسل اضافہ سے ان کے ممبران کی تعداد 162 سے بڑھ کر 176 ہوگئی ۔ حکومتی اتحادی باپ پارٹی کے 4 ممبران نے اپوزیشن کی حمایت کا فیصلہ کیا ہے ۔ حکومتی اتحادی شاہ زین بگٹی اور 2 آزاد ممبران نے اپوزیشن کی حمایت کر دی ہے ۔ ایم کیو ایم کے 7 ممبران نے اپوزیشن کی

حمایت کا فیصلہ کیا ہے ۔ ایوان میں ن لیگ کی تعداد 84، پیپلزپارٹی کی 56، ایم ایم اے 15 ہے، اے این پی 1، بی این پی 4، آزاد 2 ممبران اپوزیشن کے ساتھ ہے۔ حکومت کو ابتک 163 ممبران کی حمایت حاصل ہے ۔ پی ٹی آئی کے 155، ق لیگ کے 4، جے ڈی اے 3، عوامی مسلم لیگ کا 1 رکن ہے۔ مسلم لیگ ق کے طارق بشیر چیمہ نے اپوزیشن کی حمایت کا اعلان کر رکھا ہے۔ پی ٹی آئی کے ہنگو سے رکن خیال زمان کے انتقال کے باعث نشست خالی ہے ۔ حکومت کے 15 سے زائد اراکین منحرف ہیں جو اپوزیشن کی حمایت کا دعوی کر رہے ہیں ۔