کوئٹہ بلوچستان نیشنل پارٹی کے مرکزی رہنماء نوابزادہ حاجی میر لشکری خان رئیسانی کے اعزاز میںنیشنل پریس کلب اسلام آباد نے عشائیہ دیا
کوئٹہ بلوچستان نیشنل پارٹی کے مرکزی رہنماء نوابزادہ حاجی میر لشکری خان رئیسانی کے اعزاز میںنیشنل پریس کلب اسلام آباد نے عشائیہ دیا عشائیہ میں پرنٹ اور الیکٹرانک میڈیا سے تعلق رکھنے والے صحافی کثیر تعداد میں شریک ہوئے تفصیلات کے مطابق گزشتہ روز بی این پی کے مرکزی رہنماء نوابزادہ حاجی میر لشکری خان رئیسانی کے اعزاز میں نیشنل پریس کلب اسلام آباد کی جانب سے عشائیہ دیا گیا عشائیہ میں پاکستان فیڈرل یونین آف جرنلسٹس کے صدر افضل بٹ،نیشنل پریس کلب اسلام آباد کے سیکرٹری انور رضا ، لاہور پریس کلب کے صدر ارشد انصاری، سینئر صحافی بلال ڈار سمیت دیگر عہدیداروں اور صحافی بڑی تعداد میں شریک ہوئے ۔ اس موقع پر نوابزادہ حاجی لشکری رئیسانی نے ملکی سیاسی صورتحال سمیت بلوچستان کے اجتماعی مسائل سے متعلق سیر حاصل گفتگو کی بی این پی کے مرکزی رہنماء نے اپنے اعزاز میں دیئے گئے عشائیہ پر نیشنل پریس کلب اسلام آباد کے عہدیداروں اور انتظامیہ کا شکریہ ادا کیا ۔