نہری نظام کی تنظیم نو کے لئے جامع فزیبلٹی رپورٹ مرتب کرنے کی ہدایت کی ہے ، وزیر اعلیٰ بلوچستان

وزیر اعلی بلوچستان میر سرفراز بگٹی نے پٹ فیڈر کینال سمیت بلوچستان میں کینال سسٹم پر زرعی پانی کی منصفانہ تقسیم اور چوری روکنے کیلئے نتیجہ خیز اقدامات اٹھانے کے احکامات جاری کرتے ہوئے نہری نظام کی تنظیم نو کے لئے جامع فزیبلٹی رپورٹ مرتب کرنے کی ہدایت کی ہے منگل کو یہاں پٹ فیڈر کینال اور نہری سسٹم میں قلت آب اور بہتری کے منصوبوں سے متعلق منعقدہ اجلاس میں وزیر اعلی بلوچستان میر سرفراز بگٹی نے نہری نظام آبپاشی کے تحت صوبے میں سیراب ہونے والے علاقوں میں آبی صورتحال سے متعلق ٹھوس اقدامات اٹھائے کی ہدایت کی وزیر اعلی نے کہا کہ کینال سسٹم کی بہتری کیلئے وسیع المدتی منصوبوں کے ساتھ ساتھ فوری نوعیت کے اقدامات پر بلا تاخیر عمل درآمد کرکے زراعت سے وابستہ افراد کی مشکلات کم کی جائیں ، وزیر اعلی نے کہا کہ زرعی پانی کی منصفانہ تقسیم اور چوری کی روک کے لئے ٹھوس کارروائی کی جائے اور حق داروں کو ان کا حق دیکر مسائل کے حل کیلئے اقدامات اٹھائے جائیں، وزیر اعلی نے کینال سسٹم کی تنظیم نو کے لئے جامع فزیبلٹی رپورٹ مرتب کرنے کی ہدایت کی اجلاس میں صوبائی وزیر آبپاشی میر محمد صادق عمرانی، مشیر برائے ویمن ڈویلپمنٹ ڈیپارٹمنٹ ڈاکٹر ربابہ خان بلیدی، سیکرٹری آبپاشی حافظ عبدالماجد سمیت متعلقہ حکام نے شرکت کی