2023تک 10 ارب درخت لگانے کا منصوبہ بنایا ہے، عمران خان

اسلام آباد ( ویب ڈیسک) وزیراعظم عمران خان نے کہا ہے کہحکومت نے 2023 تک 10 ارب درخت لگانے کا منصوبہ بنایا ہے ، ہم 10 ارب درخت لگانے کے ویژن کو آگے بڑھا رہے ہیں، پاکستان کاربن کا ایک فیصد سے بھی کم اخراج کرتا ہے ہماری 30 فیصد ٹرانسپورٹ الیکٹرک ذرائع پر منتقل ہوگی۔دی ٹائمز میں لکھے گئیاپنے ایک مضمون میں وزیراعظم نے کہا

کہ عالمی سطح پر تبدیل ہونے والی آب و ہوا میں پاکستان کا حصہ زیادہ نہیں، پاکستان عالمی کاربن کے اخراج کا ایک فیصد سے بھی کم اخراج کرتا ہے، ہم اپنی بڑھتی ہوئی معیشت کو سبز، کم کاربن والا صاف ماحول بنا کر عالمی حل کا حصہ بننے کے لئے پرعزم ہیں

، میری حکومت کا ہدف ہے کہ 2030 تک، 60 فیصد ہماری توانائی کاربن فری ہوجائے۔ عمران خان نے لکھا کہ کاربن جذب کرنے والے ایک لاکھ ہیکٹر جنگلات کی بحالی کا ہمارا ہدف ہے، ہمارے گرین پروگرام میں 2023 تک محفوظ علاقوں کی کوریج کو 15 فیصد اراضی اور 10 فیصد سمندری رقبے تک بڑھایا جانا شامل ہے، کوویڈ 19 وباء کے دوران ہم نے 7300 مربع کلومیٹر اراضی پر محیط 15 نئے قومی پارکس کا اعلان کیا، ہماری 30 فیصد ٹرانسپورٹ الیکٹرک ذرائع پر منتقل ہوگی، 2030 تک ہم انرجی مکس کا 60 فیصد کاربن سے پاک بنائیں گے