گورنر بلوچستان امان اللہ خان یاسین زئی نے کہا ہے کہ یہ بات خوش آئند ہے کہ صوبے

کوئٹہ گورنر بلوچستان امان اللہ خان یاسین زئی نے کہا ہے کہ یہ بات خوش آئند ہے کہ صوبے میں لوگ بڑی تعداد میں کھیلوں کی طرف راغب ہورہے ہیں ۔ انہوںنے کہا کہ اسکواش کے حوالے سے تو پاکستان کا پوری دنیا میں بڑا نام ہے اور موجودہ حکومت اسکواش کھیل کے فروغ کیلئے اور اسکواش کھلاڑیوں کی بہترین تربیت کیلئے صوبائی سطح پر بھی پر عزم ہے ان خیالات کا اظہار انہوں نے بلوچستان اسکوا ش ایسو سی ایشن کے صدر محمد ارشد اور جنرل سیکریٹری ظفر السلام سے گفتگو کرتے ہوئے کیا ۔ ملاقات کے دوران صوبے میں کھیلوں کے فروغ ، کھلاڑیوں کو تربیت اور سہولیات کی فراہمی اور بلوچستان اسکواش ایسو سی ایشن کی کار کردگی کو مزید بہتر بنانے پر تبادلہ خیال کیا ۔ گورنر نے ان کو درپیش مسائل و مشکلات کے حل کے حوالے سے ہر ممکن تعاون کی یقین دہانی کرائی۔