مٹھی بھر دہشت گرد قوم کے پختہ عزم کو متزلزل نہیں کر سکتے،نور محمد دمڑ

کوئٹہ (جی این ایم)سینئر صوبائی وزیر خزانہ بلوچستان حاجی نور محمد دمڑ نے لاہور کے علاقے انار کلی میں دھماکے کی مذمت کی ہے۔ وزیر خزانہ نے کہا ہے کہ مٹھی بھر دہشت گرد قوم کے پختہ عزم کو متزلزل نہیں کر سکتے۔قوم کے ہر طبقے نے دہشت گردی کے خلاف

جنگ میں بے پناہ قربانیاں دی ہیں۔انہوں نے کہا کہ قوم کے اتحاد سے ملک دشمن عناصر کے مذموم عزائم ناکام بنائیں گے۔وزیر خزانہ نے دھماکے میں شہیدوں کی درجات کی بلندی اور زخمیوں کی جلد صحت یابی کیلئے دعا کی ہے انہوں نے کہا کہ دکھ کی اس گھڑی میں صوبائی حکومت اور بلوچستان کے عوام  پنجاب کے غمزدہ خاندانوں کے دکھ میں برابر کی شریک ہے ۔