جلیل شرقپوری اور ریاض الدین 10، 10کروڑ میں فروخت ہوئے،رانا ثنا اللہ

جلیل شرقپوری اور ریاض الدین 10، 10کروڑ میں فروخت ہوئے،رانا ثنا اللہ

اسلام آباد(ویب ڈیسک)وفاقی وزیرِ داخلہ رانا ثنا اللہ نے کہا ہے کہ میاں جلیل شرقپوری اور میاں ریاض الدین 10، 10 کروڑ میں فروخت ہوئے،ہمیں کسی اور نے نہیں بلکہ اتحادیوں نے حکومت میں آنے پر مجبور کیا ۔نجی ٹی وی کے پروگرام میں گفتگو کرتے ہوئے رانا ثنا اللہ نے کہا کہ اگر مجھے سپریم کورٹ

بلا لیتی تو میں بتاتا کیسے 10 کروڑ روپے دیے گئے، میں ان کا جھوٹ بے نقاب کرتا۔انہوں نے کہا کہ یہ لوگ پروپیگنڈہ کر رہے ہیں، یہ جھوٹے لوگ ہیں، ان کا کام پروپیگنڈہ کرنا ہے۔وفاقی وزیرِ داخلہ رانا ثنا اللہ کا مزید کہنا ہے کہ یہ پارٹی جھوٹوں اور فراڈیوں کا جتھہ ہے۔انہوں نے یہ بھی کہا کہ ہمیں کوئی

مجبور کر کے حکومت میں نہیں لایا، اتحادیوں کے مجبور کرنے پر ہم حکومت میں آئے۔واضح رہے کہ پاکستان تحریکِ انصاف کے رہنما فواد چوہدری نے کہا تھا کہ ہمارے ایم پی اے مسعود مجید کو مبینہ

طور پر 40 کروڑ روپے دے کر ترکی پہنچایا گیا ہے۔فواد چوہدری نے یہ بھی کہا تھا کہ آصف زرداری، رانا ثنا اللہ اور عطا تارڑ کو گرفتار کر کے جیل میں ڈالا جائے، ہمارا مطالبہ ہے کہ سپریم کورٹ اس معاملے کی فوری انکوائری کروائے۔