یوم پاکستان کے موقع پر گورنر، وزیراعلیٰ سندھ کی مزار قائد پر حاضری، فاتحہ خوانی
کراچی یوم پاکستان پر گورنر اور وزیراعلیٰ سندھ نے مزار قائد پر حاضری دی اور فاتحہ خوانی کی، صوبائی وزرا بھی ساتھ تھے، ملکی سلامتی اور خوشحالی کیلئے دعائیں کی گئیں۔وزیراعلی سندھ مرداد علی شاہ اور گور نرسندھ عمران اسماعیل نے ہفتے کومزار قائد پر حاضری دی۔ گورنر سندھ نے مہمانوں کی کتاب میں اپنے تاثرات درج کیے۔ مراد علی شاہ نے کہا کہ ہمارا عزم ہے پاکستان کو ترقی دیں اور ملکر کام کریں، قوم کو اس وقت متحد ہونے کی ضرورت ہے، کراچی گزشتہ چار سال کے دوران بہتر ہوا، شہر کو مکمل طور پر امن کا گہواہ بنائیں گے۔گورنر سندھ عمران اسماعیل نے کہا کہ قائداعظم کے وڑن کی تکمیل کیلئے ملکر کام کریں گے، آج تجدید عہد وفا کا دن ہے، وزیراعظم کا وڑن نئے پاکستان کا وڑن ہے، وزیراعظم عمران خان 29 کو کراچی آرہے ہیں۔