27رمضان کو تعلیمی اداروں میں عام تعطیل کا اعلان

27رمضان کو تعلیمی اداروں میں عام تعطیل کا اعلان

سندھ حکومت نے 27 رمضان کوصوبے بھر کے تعلیمی اداروں میں عام تعطیل کا اعلان کیا ہے۔جاری نوٹیفکیشن کے مطابق سندھ کے سرکاری و نجی اسکولز 28 مارچ کو بند رہیں گے،

یاد رہے گزشتہ روز ہی سندھ حکومت نے 4 اپریل کو بھی سابق وزیراعظم ذوالفقارعلی بھٹو کی برسی کے موقع پر چھٹی کا اعلان کیا تھا۔صوبائی حکومت کے جاری کردہ نوٹیفکیشن کے مطابق سندھ حکومت نے سابق وزیر اعظم ذوالفقار علی بھٹو کی برسی کے موقع پر 4 اپریل کو تعلیمی اداروں اور سرکاری دفاتر میں عام تعطیل کا اعلان کیا ہے۔

عید تعطیلات:

پنجاب میں اسکول، کالجز و جامعات میں عید کی تعطیلات 28 مارچ سے 2 اپریل تک ہوں گی،چھٹیوں کے بعد 3 اپریل سے تعلیمی سرگرمیاں دوباہ بحال ہوں گی،28 مارچ کو بورڈ کے پیپرز شیڈول کے مطابق ہوں گے۔دوسری طرف سندھ حکومت نے بھی عید الفطر کی تعطیلات کا اعلان کردیا ہے۔نوٹیفکیشن کے مطابق سندھ میں 31مارچ سے2 اپریل تک عید الفطر کی چھٹیاں ہوں گی،

پنجاب میں بھی عیدالفطر کی تعطیلات 31 مارچ سوموار سے 2 اپریل بدھ تک ہوں گی۔قبل ازیں وفاقی حکومت نے بھی عید الفطر کی تعطیلات کا اعلان کیا،پیر 31مارچ سے بدھ 2 اپریل تک تعطیلات ہوں گی،کابینہ ڈویژن نے سرکاری تعطیلات کا نوٹیفکیشن جاری کر دیا۔واضح رہے محکمہ موسمیات نے پیشگوئی کی ہے کہ رواں سال رمضان المبارک 29 روز کا ہو گا جس کے باعث 31 مارچ کو عید ہونے کا قوی امکان ہے جبکہ 30 مارچ کو شوال کا چاند نظر آئے گا