واٹس ایپ پر اب اسکرین شیئرکرنا ممکن

واٹس ایپ پر اب اسکرین شیئرکرنا ممکن

اگر آپ کو ایک معروف ایپلیکیشن ‘زوم’ استعمال کرنے کا اتفاق ہوا ہے تو یقیناً اسکرین شیئرنگ کرنے کے عمل سے تو ضرور گزرے ہوں گے۔ لیکن اب یہ فیچر صرف ‘زوم’ کی حد تک نہیں رہا۔میٹا کی جانب سے میسجنگ پلیٹ فارم واٹس ایپ میں بھی اس بڑے اور منفرد فیچر کا اضافہ کردیا گیا ہے۔رپورٹس کے مطابق واٹس ایپ میں اینڈرائیڈ ڈیوائسز کے لیے ایک نیا فیچر اسکرین شیئرنگ متعارف کرایا جا رہا ہے۔

حریم شاہ نےمولانا فضل الرحمن کو ایک بار پھر ہاڑے ہاتھوں لے لیا

یہ فیچر ویڈیو کانفرنسنگ پلیٹ فارمز جیسے مائیکرو سافٹ ٹیمز اور زوم کی طرح ویڈیو کالز کے دوران اسکرین شیئر کرنے کی سہولت فراہم کرے گا۔اسکرین شیئر کرنے کے لیے صارف کو واٹس ایپ پر اپنے کسی کانٹیکٹ کو کال کرنا ہوگی۔کال ملانے کے بعد اسکرین پر نیچے بائیں کونے میں اسکرین شیئر کے آپشن پر کلک کرنا ہوگا۔اس فیچر سے صارفین اپنے اسمارٹ فون ڈسپلے کو مکمل طور پر دوستوں کے ساتھ شیئر کر سکیں گے۔

البتہ جب اسکرین شیئر کرتے ہوئے واٹس ایپ کی جانب سے آگاہ کیا جائے گا کہ میسجنگ پلیٹ فارم میں آپ کے کانٹیکٹس کو اسکرین شیئرنگ کے دوران تمام تفصیلات جیسے پاس ورڈز، میسجز، فون نمبر اور دیگر ذاتی تفصیلات تک رسائی حاصل ہو سکتی ہے۔اس فیچر سے صارفین رئیل ٹائم میں اہم تفصیلات اپنے دوستوں یا جاننے والوں سے شیئر کر سکیں گے۔

سرداراخترجان مینگل ایٹمی دھماکوں کے حوالے سے بڑے انکشافات سامنے لے آئے

عموماً اس طرح کا فیچر دفتری امور میں زیادہ مددگار ثابت ہوتا ہے۔واضح رہے کہ یہ فیچر فی الحال بیٹا ورژن میں دستیاب ہے اور تمام صارفین تک اس کی دستیابی آئندہ چند ہفتوں یا مہینوں میں ممکن ہوگی۔خیال رہے کہ میٹا کی جانب سے اب واٹس ایپ میں لگ بھگ ہر ہفتے ہی نئے فیچرز کا اضافہ کیا جا رہا ہے۔حال ہی میں چیٹ لاک، میسج ایڈٹ اور دیگر کئی نئے فیچرز واٹس ایپ کا حصہ بن چکے ہیں۔