سلیکٹڈ کی طاقت کم ہو رہی ہے اور اس کا متبادل تیار کیا جا رہا ہے، مریم نواز

لاہور(ویب ڈیسک)لانگ مارچ ملتوی ہونے کے 24 گھنٹے بعد مریم نواز کا پہلا ٹوئٹ۔ تفصیلات کے مطابق پاکستان مسلم لیگ ن کے قائد نواز شریف کی صاحبزادی مریم نواز کی جانب سے گزشتہ روز ہوئے پی ڈی ایم اجلاس کے بعد اب پہلا ٹوئٹ کیا گیا ہے۔

مریم نواز پی ڈی ایم کا لانگ مارچ ملتوی ہونے کے بعد 24 گھنٹے تک خاموش رہیں۔ اب ان کی جانب سے کیے گئے ٹوئٹ میں پیپلز پارٹی کی طاقت ور حلقوں سے ہوئی مبینہ ڈیل کے حوالے سے بڑا دعوی کیا گیا ہے۔اپنی ٹوئٹ میں مریم نواز کا کہنا ہے کہ کل کا دن کسی طرح سے بھی برا نہیں تھا۔ سچی بات یہ ہے کہ اب سلیکٹڈ کو فکر مند ہونا چاہیے۔ سلیکٹڈ کی طاقت

کم ہو رہی ہے اور اس کا متبادل تیار کیا جا رہا ہے۔جبکہ مریم نواز نے گزشتہ روز پی ڈی ایم اجلاس کے بعد میڈیا سے گفتگو میں کہا تھا کہ پیپلزپارٹی جب تک ہمیں جواب نہیں دیتی،

میں اس پر کوئی قیاس آرائی نہیں کرنا چاہتی۔آصف زرداری نے کہا کہ میاں نوازشریف آپ بھی آئیں ہم ملکر جدوجہد کرتے ہیں، میں نے انتہائی ادب سے کہا کہ میاں نوازشریف کو واپس لانا ان کی زندگی کو قاتلوں کے حوالے کرنے کے مترادف ہوگا، ن لیگی لیڈران اور کارکنان بھی نہیں چاہتے۔